SØK HER
Om stillinga
Vil du vere med og sikre rettstryggleik i saker som påverkar menneske sine liv? Hos oss får du ei sentral rolle i å behandle klager over UDIs vedtak og bidra til avgjerder som er grundige og i tråd med lovverket og internasjonale konvensjonar. Vi ser etter saksbehandlarar som kombinerer fagleg styrke med samfunnsengasjement og vil vere med på å utvikle praksis innan migrasjons- og utlendingsrett.
Som saksbehandlar i UNE får du ansvar for klagebehandling og blir godt kjend med utlendingsforvaltninga, internasjonal rett og konvensjonar, samt kunnskap om aktuelle land. Det kan òg bli aktuelt med arbeid knytt til rettssaker. Du vil inngå i eit sterkt fagmiljø og arbeide både sjølvstendig og i samarbeid med andre.
Vi ønskjer at alle som arbeider i UNE skal kunne identifisere seg med verdiane våre: pålitelegheit, openheit og respekt.
Arbeidsoppgåver
- Behandling av enkeltsaker etter utlendingslova, statsborgarlova og EØS-regelverket
- Skriftleg utforming av merknader og vedtaksutkast til nemndmedlemer og nemndleiarar
- Deltaking i nemndmøte med ansvar for skriftleg og munnleg saksframlegg
- Arbeid i tilknyting til rettssaker og saker frå Sivilombodet kan bli aktuelt
- Arbeid med saksomkostningssaker der advokatar fremjar krav kan bli aktuelt
- Deltaking i prosjekt og digital utvikling kan bli aktuelt
Kvalifikasjonar
- Mastergrad, fortrinnsvis innan rettsvitskap/cand.jur. Andre mastergrader med relevant fagkombinasjon er òg aktuelle.
- Erfaring frå utlendingsforvaltninga, offentleg forvaltning og/eller saksbehandling er ein fordel
- Kompetanse innan EU- og EØS-rett, menneskerettar og folkerett er ønskjeleg
- Interesse for og erfaring frå migrasjons- og utlendingsfeltet er ein fordel
- Kompetanse innan språk og kultur er ein fordel
- God formidlingsevne, både munnleg og skriftleg
- Gode ferdigheiter i bruk av IKT-verktøy og positiv haldning til ny teknologi
Personlege eigenskapar
- Du er resultatorientert og har høg fagleg integritet
- Du har stor arbeidskapasitet
- Du har evne til å balansere grundigheit og effektivitet
- Du er systematisk og strukturert
- Du er fleksibel og har endringsevne og -vilje
- Du arbeider sjølvstendig, har gode samarbeidsevner og deler kunnskap med kollegaene dine
- Du er ein positiv bidragsytar til det sosiale arbeidsmiljøetPersonleg eignaheit som saksbehandlar vil bli vektlagd.
Vi tilbyr
- Ein arbeidsplass med samfunnsaktuelle tema innan utlendingsfeltet
- Interessante arbeidsoppgåver i eit kompetent og tverrfagleg fagmiljø
- Breitt utval av interne kurs og opplæringstiltak
- Godt tilrettelagt arbeidsmiljø i Oslo sentrum
- Moglegheit for fleksibelt arbeidsstad
- Fleksitid og andre statlege velferdsordningar
- Trening i arbeidstida
- Nye lokale med treningsrom og kantine i bygget
- Gode pensjons- og forsikringsordningar gjennom Statens pensjonskasse
- Lønsvilkår: Stillingane blir løna som rådgivar eller seniorrådgivar (595.000-800.000). For særleg kvalifiserte søkjarar kan høgare løn vurderast. Stilling- og lønsplassering er avhengig av kvalifikasjonar. Frå løna blir det trekt 2 % innskot til Statens pensjonskasse.
UNE ser mangfald som ein styrke
Vi treng medarbeidarar med ulik kompetanse og bakgrunn for å bidra til endå betre oppgåveløysing. Vi oppmodar difor alle kvalifiserte kandidatar til å søkje, uavhengig av kjønn, etnisitet, funksjonsnedsetting, seksuell orientering, alder eller «hol i CV». Vi ønskjer deg velkomen til oss og vil leggje til rette for deg dersom du har behov for det.
Kontaktperson
- Georg Magne Rønnevig, enhetsleder, tlf. 99472718
- Ingun Marie Halle, enhetsleder, tlf. 95483882
- Sanja Adjulovic, enhetsleder, tlf. 95873543Vi tar sikte på å gjennomføre intervjuer i uke 3 og 4 i 2026.
Søk stillinga
Søknad sendast via Jobbnorge, som er vårt administrasjonssystem for rekruttering. Vitnemål, karakterutskrifter og attestar må leggjast ved saman med søknaden innan søknadsfristen.
Vitnemål kan lastast ned frå Vitnemålsportalen (vitnemalsportalen.no). Dersom du har utdanning frå utlandet, må ho vere godkjend av NOKUT eller Direktoratet for høgare utdanning og kompetanse (hkdir.no). I så fall må dokumentasjon frå NOKUT eller hkdir leggjast ved saman med søknaden.
Søkjarar med funksjonsnedsetjing, «hol i CV-en» eller innvandrarbakgrunn blir oppmoda om å krysse av i rekrutteringsportalen vår. Avkryssingane i rekrutteringsportalen dannar grunnlag for anonymisert statistikk som alle statlege verksemder rapporterer i årsrapportane sine.
I samsvar med offentleglova kan namnet til søkjaren bli offentleggjort sjølv om søkjaren har bede om ikkje å bli ført opp på søkjarlista. Vedkommande vil i så fall bli varsla
Om oss
Utlendingsnemnda (UNE) er eit uavhengig og domstolsliknande forvaltningsorgan som behandlar klager i utlendingssaker og statsborgarsaker. Alle saker vi behandlar i UNE, har først vore behandla av Utlendingsdirektoratet (UDI).
Vi har om lag 240 medarbeidarar og held til sentralt i Oslo.
UNE er administrativt underlagt Justis- og beredskapsdepartementet. Sjå www.une.no.Søk stillinga
Søknadsfrist
8. desember 2025
Arbeidsgivar: Utlendingsnemnda (UNE)
Kommune:Oslo
Omfang: Heiltid (20 stillingar)
Varigheit: Fast
Arbeidsstad: Storgata 38, 0182 Oslo