Om stillinga

Miljøvernavdelinga hos Statsforvaltaren er regional statleg miljøvernmynde og arbeider for gjennomføring av nasjonal miljøvernpolitikk i Rogaland. Vi arbeider med naturvern, naturforvaltning, forureining, uttalar til energilovsaker og regionale og kommunale planar etter plan og bygningslova. Avdelinga har 30  tilsette er organisert i to seksjonar ; Naturseksjonen og Forureiningsseksjonen.

Arbeidsoppgåver

Aktuelle arbeidsoppgåver er

• klima- og miljøjuridisk intern fagstøtte i alle typar miljøvernsaker inkl. støtte innan offentleg kjøp av tenester, avtale- og eigedomsrett  
• sakshandsaming og tilsyn etter forureiningslova
• klagesaker etter forureiningslova, naturmangfaldlova, vassdragslovverk, viltlova, motorferdselslova, friluftslova, mfl.
• miljøkriminalitetssaker
• saker innan naturvern og anna miljøvern som me er involvert i som går i domstolane, til dømes miljøkriminalitet, erstatningsskjønn ved naturvern og jordskiftesaker

Kvalifikasjonskrav

Vi søkjer etter ein dyktig jurist med interesse for miljøvern og offentleg forvaltning som

• har juridisk embetseksamen eller master i rettsvitskap med fordjuping innan miljørelevante juridiske emne, jus eller jordskiftefag
• har erfaring med arbeid etter plan og bygningslova, forureiningslova, naturmangfaldlova, vassdragslovverk, anna naturrelevant lovverk
• er fleksibel, systematisk og initiativrik
• arbeider godt så vel åleine som i lag med andre
• er løysningsorientert og har god relasjonell kompetanse
• uttrykkjer seg klart skriftleg og munnleg, på begge målformer
• har interesse for og innsikt i bruk av kart

Vi tilbyr

• lønn som rådgivar, kr 550 000 - kr 640 000 i pr år, avhengig av kvalifikasjonar og erfaring. For særleg godt kvalifiserte kan
  høgare lønnsplassering/stillingsplassering vurderast
• fleksibel arbeidstid og statleg avtaleverk
• god pensjonsordning gjennom Statens pensjonskasse (det blir trekt 2% pensjonsinnskot frå lønna)
• varierte, interessante og krevjande arbeidsoppgåver
• samarbeid om god oppgåveløysing med høgt kompetente medarbeidarar i avdelinga og i embetet
• hjem - jobb - hjem ordning

Det er 6 månaders prøvetid i stillinga.

Statsforvaltaren har som personalpolitisk mål å rekruttere kvalifiserte kandidatar uavhengig av alder, kjønn, funksjonsevne eller etnisk bakgrunn.
Vi jobbar for å realisere regjeringa sin inkluderingsdugnad om at 5 % av nytilsetjingar i staten skal være personar med nedsett funksjonsevne eller hull i CV-en.

Spørsmål om stillinga

Du får nærare opplysningar hos fylkesmiljøvernsjef May Britt Jensen, mobil 469 34 768.

Om Statsforvaltaren i Rogaland

Statsforvaltaren er Kongen og Regjeringa sin representant i fylket og skal arbeide for at Stortinget og regjeringa sine vedtak, mål og retningsliner blir følgde opp i Rogaland. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter.

Statsforvaltaren skal medverke til å samordne, forenkle og effektivisere statleg verksemd i fylket og har mellom anna oppgåver innafor fagområda miljøvern, landbruk, utdanning, helse, beredskap, sosial- og familierett, verjemål, kommuneøkonomi og planlegging. Embetet har ca 190 tilsette.

SØK HER!