Helse-, sosial- og barnevernsavdelinga Rådgivar - jurist
Statsforvalteren i Rogaland
Statsforvaltaren si helse-, sosial- og barnevernsavdeling har til oppgåve å behandle enkeltsaker og utføre tilsyn med kommunar, føretak og institusjonar. Avdelinga skal gi råd og rettleiing, drive utviklingsarbeid og opplæring samt gjennomføre nasjonale mål.
Helse-, sosial- og barnevernsavdelinga har ledig ei fast stilling og to vikariat som rådgivar - jurist med tiltreding så snart som råd.
Vikariata har ein varigheit på 1 år, med moglegheiter for forlengingar.
Arbeidsoppgåver
Ein av Statsforvaltaren sine viktigaste oppgåver er ivaretaking av rettstryggleik for innbyggarane.
Stillingane er knytt til klagesaksbehandling og tilsynsoppgåver innanfor alle avdelinga sine arbeidsområde. Rådgiving, rettleiing og opplæring retta mot kommunar og verksemder inngår i arbeidsoppgåvene.
Stillingane er tillagt varierte, interessante og utfordrande arbeidsoppgåver i et tverrfagleg miljø med mellom anna juristar, legar, sjukepleiarar, barnevernpedagogar og sosionomar, og i nær kontakt med alle nivå innan tenester og forvaltning.
Kvalifikasjonskrav
Vi søkjer gode og fleksible juristar som likar å finne løysingar og som
- har juridisk embetseksamen/master i rettsvitskap
- har relevant erfaring
- er fleksibel, initiativrik, løsningsdyktig og systematisk
- arbeider godt så vel åleine som i lag med andre
- uttrykkjer seg klart skriftleg og munnleg, på begge målformer
Vi kjem til å leggje stor vekt på om du er personleg eigna for stillinga.
Vi tilbyr
- lønn som rådgivar, kr 550 000 - 640 000 pr år, avhengig av kvalifikasjonar og erfaring. For særleg godt kvalifiserte kan høgare lønnsplassering vurderast
- fleksibel arbeidstid og statleg avtaleverk
- god pensjonsordning, gruppelivsforsikring og moglegheit for bustadlån gjennom Statens pensjonskasse (det blir trekt 2% pensjonsinnskot frå lønna)
- varierte, interessante og krevjande arbeidsoppgåver i eit triveleg arbeidsfellesskap
- nødvendig opplæring og rom for kompetanseutvikling
- hjem - jobb - hjem ordning
Det er 6 månaders prøvetid i stillingane.
Statsforvaltaren har som personalpolitisk mål å rekruttere kvalifiserte kandidatar uavhengig av alder, kjønn, funksjonsevne eller etnisk bakgrunn.
Vi jobbar for å realisere regjeringa sin inkluderingsdugnad om at 5% av nytilsetjingar skal være personar med nedsett funksjonsevne eller hull i CV-en.
Spørsmål om stillingane
Du får nærare opplysningar hos ass. direktør Marit Bergeland, tlf. 51 56 87 79, e-post fmrombe@statsforvalteren.no
Om Statsforvaltaren i Rogaland
Statsforvaltaren er Kongen og regjeringa sin representant i fylket og skal arbeide for at Stortinget og regjeringa sine vedtak, mål og retningsliner blir følgde opp i Rogaland. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter.
Statsforvaltaren skal medverke til å samordne, forenkle og effektivisere statleg verksemd i fylket og har mellom anna oppgåver innafor fagområda miljøvern, landbruk, utdanning, helse, beredskap, sosial- og familierett, verjemål, kommuneøkonomi og planlegging. Embetet har ca 190 tilsette.